كلمات جيب لكزس محمد بن جعيد
جيب لكزس فالمواتر خابرينه
لا مشى فالخط ما تآخذ بداله
يالله إنها ياعرب تبطي سنينه
المواتر حوله كنها أصغر عياله
من وراه ومن يساره ومن يمينه
لو على كبوته تحط البياله
ما تطيح من الرساوه والسكينه
ما يجيبه في الطريق إلا خياله
كل قطعه فيه من صنعه ثمينه
وما يعرف المشكله والإستحاله
وصاحبه مايشتكي خوف وغبينه
لاصفق طبلونه تشوفه لحاله
يعجزون اهل المشي وملاحقينه
لاارتقى الدرب الوعر تبصر هباله
يطمر الصعبه ويجعلها عجينه
من صنع مثله تفنن في مجاله
قو عزمه في الحديد وفالمكينه
ماندم من حط به جهده وماله
يوم غيره يا جعل ربي يعينه
كلمات اغاني محمد بن جعيد جيب لكزس
غناء : محمد بن جعيد
كلمات : محمد بن جعيد
الحان : محمد بن جعيد