كلمات يوم الوطن محمد بن جعيد
انا الغيور اللي يدافع عنه في كل إتجاه
ياموطني تلهج بك قلوب البشر والألسنه
على حدودك كلنا دروعن وقناصه ومشاه
يوم الوطن يوم الفرح يعم كل الأمكنه
تشوفها فالارض وإن عاينتها بعالي سماه
كل شي فأرضك ياوطن نعشقه ثم ندمنه
هذا وطنا الشامخ اللي مالنا عنه غناه
رايته خفاقه ومرفوعه بكل الأزمنه
من بعد توحيده وحنا في كرامته وعطاه
وحنا بظل ملوكنا ملوك الفخر والهيمنه
اللي وقفو بوجيه الأعداء ودنقو وجيه الطغاه
ياسيدي سلمان يا قايد وطنا وأثمنه
يا ابو فهد يا قايد الأمه ويا حبل النجاه
على يمينه يوقف محمد بتوجيه منه
ويحرك العالم وهو جالس بكرسيه وعصاه
ومحمد إليا حط له شي براسه يضمنه
هذا حفيد معزي وراس الطناخه والدهاه
دايم ولي العهد له حبن كبير ونكمنه
بصدورنا اللي تفتخر في حب مخلوق كماه
حنا لك الدرع المتين وكل مخطي ندفنه
حنا لك الطاعه يابو سلمان والحب ووفاه
حنا جيوش المملكة من أيسره ومن أيمنه
عزالله إنا للوطن وملوكنا نغدي فدااااه
كلمات اغاني محمد بن جعيد يوم الوطن
غناء : محمد بن جعيد
كلمات : محمد بن جعيد
الحان : محمد بن جعيد