كلمات معاتب الراحلين محمد بن جعيد
بسأل عن أصحابها وأقدر ظروفها
امشي مع الناس لكني صويب وحزين
واضحك لحالي وكن الناس ما اشوفها
بعض العرب غيبته ضيقة وفقده ثمين
ومحبته مع مرور الوقت ما اعوفها
الله من شوق في صدري وجملة حنين
وكثرة مشاعر وحيدة فاقده ظيوفها
يا صاحبي يالبعيد اللي خذته السنين
يا فرحة سنيني الأولى ويا اطيوفها
اشكي همومي وتعباتي وجرحي لمين
واوجاع الأيام قدمي حدت سيوفها
متى مواعيد الأيام القديمة تحين
متى تزين الحياة وتلمس كفوفها
مايتعب القلب غير معاتب الراحلين
الله يعين القلوب ويجبر ضعوفها
كلمات اغاني محمد بن جعيد معاتب الراحلين
غناء : محمد بن جعيد
كلمات : محمد بن جعيد
الحان : محمد بن جعيد