كلمات خمر جنات الوليد ال عامر
يالاقي ثوب بمقاسك
ثوب ماتلقى فيه رقعات
والعين من ناسه وناسك
مرات تزعلني ومرات
لاخالط عيونك نعاسك
انسى الزعل واجيك موات
بالشعر لي يجلي عماسك
لا لا تعاتبني بنظرات
تشهر علي رمحك وطاسك
يا سلسبيل خمر جنات
انا ما اشرب غير كاسك
واللي تفرد عالجميلات
ماحط هو راسه براسك
ياسابق العالم بخطوات
مخلده خطوة مداسك
العمر قربك ماحسبه فات
اعيش لو صعب مراسك
لو الخفوق يروح شتات
خله براسي يطيح فاسك
شانت حياتي يومي ابات
مبعد وعنك صرت ماسك
سؤال لاهل الدين بالذات
هو فيه حج ابلا مناسك
انا احبك بس بسكات
حتى الذهب عندي نحاسك
عقب الغروب اخص الاوقات
ارفع شويه فوق راسك
وش له تدور للمرايات
شوف البدر هذا انعكاسك
كلمات اغاني الوليد ال عامر خمر جنات
غناء : الوليد ال عامر
كلمات : سلطان بن لعوج الخليفي
الحان : الوليد ال عامر