كلمات فزعت يا عامر الوليد ال عامر
تقول عودا فاقد اغلى عواله
من واقع الاحداث والصدر مزحوم
في ليلا انجومه بدت عن هلاله
والشعر في عيني رساله ومفهوم
بس الوكاد انك زبون الرساله
اطوع الشرد على قافية اوم
واصوغها وتجيك شد الوكاله
على العموم العلم في بطنه علوم
وطويق ويش طويق لولا جباله
حقك علي اجيك لاصرت مظلوم
وحقي عليك انك تحكم بعداله
يوم اتركوني بين معطى ومحروم
هذا وقف عمه وهذاك خاله
جيتك شوي اطيح وشوي اقوم
وعديتني هم الشقى والعطاله
فزعت ياعامر عسى راسك يدوم
حيثك ابن عم تنومس خصاله
قلت استرح والي تبي فيه مخدوم
انت ابلج تحمي لقوله فعاله
ذكرك ينومسني وعداني اللوم
ولاهو غريب بك الوفاء والشكاله
ولولا الهقاوي فيك يامقدم القوم
ماجاك ابو ظافر وطوح عقاله
وانا ماجي ياغير واصل وزيزوم
رجل على عده طوالن احباله
والا الردي لو حاجتي عنده اشوم
لــو بيني وبينه متر ماعناله
جيتك بعد عيني جفت لذة النوم
يوم ان ما للموقف الا رجاله
كلمات اغاني الوليد ال عامر فزعت يا عامر
غناء : الوليد ال عامر
كلمات : خالد ظافر بن خرصان
الحان : الوليد ال عامر