كلمات من ذكرياتك الوليد ال عامر
احلامك كبار مدري ليش خليتها
سريتني فيك وانا مبطين ماسريت
لكن لا جتني همومي منك حييتها
اكذب واقول اقدر انساها وانا مانسيت
حتا لو اني تكابرت و تناسيتها
وقفت في وجه صكات الزمن ماشكيت
من قو عزمي تجاوزت و تعديتها
لجل الكرامه تحملت وسكت ومشيت
و ضحيت با اشياء من صغري تمنيتها
وين انت ي الي على عرش المحبه رقيت
كنت احسبك ماتسوويهاا وسووويتها
لا تلومني كان من همي تعبت وحكيت
وانا همومي ماعمري عندك ابديتها
هقواتي كبار لاكن ليتني ما هقيت
خيبة هقواتي اللي بك تهقويتها
من ذكرياتك لك الله مادلهت وسليت
ماكنك الا علي من غبت وصيتها
ما فيه منبع شعر ماجيت له و رتويت
و مافيه سجة قدم عقبك ما سجيتها
وصفت فيك القصايد كلها بيت بيت
و وصلني اعجابها من قبل رتويتها
ماقول لا مابكيت الا بكيت و بكيت
حتا الليالي عقب غيبتك بكيتها
امن السهر والطواري كل يوم اكتفيت
اشقيت عيني على شوفك وعنيتها
اعيش ماكني اللي عشت وسط الكويت
من رحت ماكنها داري ولا جيتهاا
كلمات اغاني الوليد ال عامر من ذكرياتك
غناء : الوليد ال عامر
كلمات : عبدالعزيز مفلح بن جندل
الحان : الوليد ال عامر