كلمات سلاطين نجد جزاع المري
ما شري للبايكه ولا المقاضي
جيب لند ما بعد ركّب سبيره
راسيٍ ممشاه وجنوطه عراضي
سايقه مطنوخ ما راقب امبيره
ولا عليه من التفاتيش اعتراضي
لانتهض وجهه مع وجه السفيره
كن صدره يطوي فجوج الاراضي
ذاخرينه للمهمات الكبيرة
منوة اللي لاحقه بالوقت حاضي
قبل وجه الفجر يصدح به بشيره
استوى ممشاه مع خط الرياضي
ناصيٍ شيخٍ مواقيفه عسيره
راعي الطولات فوزان ابن ماضي
راجحٍ رايه وكلن يستشيره
كن قوله في المواقف حكم قاضي
الصعاب تصير قدامه صغيره
الفعل مشهود ماهو فعل ماضي
سمعته تنساق من ديرة لديره
مثل زاك العطر من نبت الفياضي
يدري اني ما نصيت انسان غيره
وصوب مدحه هاجس الابداع هاضي
هيض نوٍ يشعف المنزح غثيره
لارتدم مزنه وفيه البرق ناضي
الجدير تليق به الأشياء الجديره
حسب قول الصدق ماهوب أفتراضي
مايشيل ثقال الأزمات الكثيره
كون حرٍ فيه للطلع إنتهاضي
العشا من ضرب يمناه الشطيره
ينعرف والوجه يغشاه البياضي
معلومات الاغنية
القصيدة مهداة للشيخ فوزان بن حمد الماضي
كلمات عبدالله بن فهد الصخابرة
اداء جزاع المري
كلمات اغاني جزاع المري سلاطين نجد
غناء : جزاع المري
كلمات : عبدالله بن فهد الصخابرة
الحان : جزاع المري