كلمات سلامات وطهور مهنا العتيبي
يالخال ابو عزام يالاسم الكبير
حتى لو انك طحت ماطحت معثور
شامخ ولا ردك عن الوقفة سرير
اللي مثل شرواك للناس مخبور
من يجهل مساعد على الدنيا ضرير
اسمك مسجل لابدا اللازم حضور
ماتتقي في موقف صعب وعسير
شبرك طويل ومع طويلين الشبور
منته مثل من يفزع وشبره قصير
ثابت مسارك لو تعديت الجسور
من منهج كريم تعلمت المسير
على بياض الوجة ماعندك قصور
اللي بعد ماصار في سلمك يصير
لو لـ المراجل رتبة تبين الامور
انت العميد انت اللواء وانت المشير
ياخال مايحتاج والدنيا تدور
اللي جهل شرواك بكره يستخير
مواقفك ماهي على بند الاجور
كم واحد في ظل ظلك يستجير
حتى الكرم من مدت ايمانك فخور
في منهج التاريخ ياخالي شهير
وقفت مع محتاج فكيت معسور
وانته على الوقفه مع الطيب جدير
يالاول الاول ولا تبغى الظهور
ماتلتفت من طيب راسك للاخير
تبقى يابو عزام عنوان السطور
مالك على القمة رفيق ولا خشير
سلامتك يالقوبع الطيب طهور
يامساعد كريم وفالعليا سفير
معلومات الاغنية
بمناسبة شفاء مساعد كريم القوبع بعد الوعكة الصحية التي ألمت به
كلمات فيصل العتيبي
اداء مهنا العتيبي
تصميم اسامه الشرعبي
كلمات اغاني مهنا العتيبي سلامات وطهور
غناء : مهنا العتيبي
كلمات : فيصل العتيبي
الحان : مهنا العتيبي