كلمات عزوة لاد ذايب مهنا العتيبي
حفلة تجمع هل الفعل الثمين
ليلة فيها الفرح جاله مقر
ليلة فيها النشاما حاضرين
والله ان مالي عن الحفله عذر
دام لي راس على الجزله فطين
والله اني لبدع ابيوت الشعر
واصخر القيفان من عقل رزين
اسفهل البال والفكر ادهر
عند قوم تجعل القاسي يلين
ايه ارحب عندهم ولي الفخر
سلمنا سلم الرجال العارفين
مرحبا ترحيبة مثل المطر
مرحبا في كل وقت وكل حين
مرحبا يامرحبا عد الشجر
وعد ناس لل اله مكبرين
بعدها مبروك ياراع السطر
يابدر والطيب في راسك يبين
انت من قوم ن يدوسون الخطر
والعرب فيما نقوله خابرين
هم حواتم ربعنا ساس الظفر
لاد ذايب ذكرهم دايم يزين
صيتهم بالطيب للعليا شهر
امتعلى والخلايق شاهدين
لابة تاريخها عز وفخر
مذهلين بكل حاجه مذهلين
من عتيبه والاسم لامن حضر
شاشو اهل الطيب ذربين اليمين
ربعي عتيبه هم الموت الحمر
الدهاه الكايدين الصاملين
فالجزيره جالهم فعل وذكر
الله يكفيهم عيون الحاسدين
دام عز المملكه واهل الامر
نحمد الله يوم حنا مسلمين
كلبونا اخوانا مافينا قشر
شعب واحد للمليك مبايعين
الوطن غالي على طول الدهر
كلنا دونه على مذهب ودين
كلمات اغاني مهنا العتيبي عزوة لاد ذايب
غناء : مهنا العتيبي
كلمات : شرار دبيس نغيمش ابن كناخر
الحان : مهنا العتيبي