كلمات ناصر الخوار مهنا العتيبي
والله لا حماه والوقفات محسوبه
فكري جزيل الفرايد درسها صمه
وقريحتي بالقصيد الجزل موهوبه
واشوش للي تلد انظارنا يمه
دايم وروس النشاما تلتفت صوبه
ناصر وجزل الفخر والطيب مازمه
متصدر اهل الفخر نوبه وراء نوبه
دايم ابو خالد اليامن نفذ كمه
قرم تقول المفاخر كلها دوبه
لاسمه ثقل بين روس العزم والهمه
ماهوب مجهول والا تجهل ادروبه
هذا ابن خالد فخر ربع وبني عمه
بالمال والجاه دايم دون ماجوبه
بين المطاليق اله وقفاته امهمه
اليا انتخوبه شمخ ماضاق به ثوبه
بالارض ماطاه وافعوله على القمه
يدحم بجنبٍ اينومس من تهقووبه
وابوه خالد جميع اعداه منسمه
ابن سويد الكرم والجود عذروبه
ماهو منافق ولا مراوي ولا رمه
مراجله واضحه ماهيب محجوبه
ابن امنيف السطر يسير في دمه
طيبه اينومس ربوعه لا تباهوبه
من لابتن للاعادي شر وامطمه
ياويل منهو بني خوار لدوبه
قبيلتن والعداء حدما وملتمه
تحما المواقف ونارالموت مشبوبه
نسل الكثيري ولا ترهبهم اللمه
من روس همدان والرايات منصوبه
وهمدان سقم المعادي دايم وهمه
قبيلتن بالوغى تقدم ومهيوبه
اسم لمع بالجزيره شرقن ويمه
تحما المواقف ونارالموت مشبوبه
معلومات الاغنية
اهداء الى رجل الاعمال الاماراتي
ناصر بن سويد بن منيف الخوار
كلمات و اداء: مهنا العتيبي
هندسة ومكساج استديو
اكس بانشن - م. نياف الشيباني
كلمات اغاني مهنا العتيبي ناصر الخوار
غناء : مهنا العتيبي
كلمات : مهنا العتيبي
الحان : مهنا العتيبي