كلمات مجننه العوازل فهاد العلي
مهرتن من شافها سمى عليها
تجذب عيون البني في كل حفله
من حلاها جننت لمعانديها
نرجسيه طاغيه والله بحلاها
من يلوم القلب يومنه يبيها
تامر وتنهي وتطلب ماتمنا
لو تبي الغالي لزوم انه يجيها
اقبلي واتدلعي كلي فدالك
والعبي فوق المنصه وشعلليها
اسفهلي واطنخي قومي تباهي
والعدا يانور عيني احرقيها
من تحداها خسر قبل التحدي
الصداره قسمها وتفوز فيها
طيحت من زينها سوق العذارى
الحلا والزين مرهون ليديها
ماهي من اللي يحطن الفلاتر
وجهها كالبدر بسم الله عليها
اعجزت كل البني تاصل حلاها
ابهرت بالزين كل من يحتريها
لاحضرت للعب صار لهن مزاحم
وكل حفله جاتها الا تحييها
ماهي من اللي هرجن حنا وحنا
المدايح كلها منها واليها
فهاد العلي
كلمات اغاني فهاد العلي مجننه العوازل
غناء : فهاد العلي
كلمات : فهاد العلي
الحان : فهاد العلي