كلمات فدوة له الوليد ال عامر
لو تناظرك الضحى ولاّ عشيّه
ياغرامن دكّ في قلبي وحَلّي
لك يساق الودّ سوق الشاذليّه
والله انّك في حشا قلبي تحِلّي
لو خذاك الوقت وابطابك عليّه
ووالله إنّي مرخصن حالي وكلّي
والسنين المقبله والأوليَه
فدوتن لبو حجاجن مستهلّي
فدوةٍ من فوق كفّن حاتميّه
له غلا فالقلب واضح وامتجلّي
وينقرا فالعين قدره كل فيّه
ياعسى ربّن عطا واكرم يخلّي
مدّة الأقدار والدنيا وفيّه
للذي قلبي وروحي يستحلّي
ويبعد الأحزان عنه وكلّ سيّه
جنّةٍ من تحت رجليها مناً لي
جعلني فدوة مواطيها العذيّه
أمّي اللّي شوفها شرب وغذاً لي
جعل يبطي زولها ياضي عليّه
والختام عداد ما كبّر مصلّي
وعدّ جمرٍ قد رمي عيد الضحيّه
الصلاة على النبّي يافاطنٍ لي
والسلام من الولّي على نبيّه
كلمات اغاني الوليد ال عامر فدوة له
غناء : الوليد ال عامر
كلمات : سعيد المنصوري
الحان : الوليد ال عامر