كلمات قصة محبه فايز الدوسري
متولعن قلبي بحبك من سنين
اسنين مرت بالوفاء والميانه
بالعهد لازلنا على الود باقين
المترف اللي في صبا عنفوانه
فيه الحلا والملح ياخذ تلاوين
لون البرد لا من ضحك في ثمانه
وفي سلهمت عينه مهابة سلاطين
كنه قمر خمسة عشر في مكانه
ولا كما وردن ينير البساتين
سبحان من سواه واعلى بشانه
لا يا عذاب الدالهين المريحين
العود لين كأنه الخيزرانه
الياتمايل عوده ايسار ويمين
كلمة احبك لا نطقها اللسانه
تشفي العليل وتجبر الخاطر الشين
صبيت له حلو الغلا فستكانه
وحطيتله فالقلب شعر ودواوين
ريموت قلبي في يده بحكمانه
من وين ماوجهه ولا قوله وين
قصة غرامن مثل عنتر زمانه
اللي لها تاريخ والناس دارين
ولا مثل نواس عاشق جنانه
قصة محبه خلدوها المحبين
كلمات اغاني فايز الدوسري قصة محبه
غناء : فايز الدوسري
كلمات : نايف بن فيحان القعياني
الحان : فايز الدوسري