كلمات وجه الرياض فايز الدوسري
عسى الله في غلانا اللي نصونه ما يعنينا
و فمان الله ما رفت ورى همس الشفاه جفون
على رجوى الوصال اللي ترك خوف الوله فينا
نداري وحشة الحب العفيف وقلبه المفتون
عن الليل البهيم و لهفة تشعل طوارينا
و بعد مشوار عمر عن شقاه الناس ما يدرون
على رمضا السنين اللي لظاها ما يدارينا
وقفنا لجل خاطر عين تكفي عن عيون الكون
و سرينا يوم غاب سهيل و القمرا تبارينا
عن عيون السهر كنا نوراي شوقنا المجنون
و اذا لاح الصباح نقول كم رحنا و كم جينا
نهون في سبيل احساسنا اللي مستحيل يهون
ونسبح في بحر من غير لا ساحل و لا مينا
نمون وكل خفقه من معاليق الشعور تمون
ويمدينا ولو ان العمر ما عاد يمدينا
كتبنا ودنا بيت على قاف الغلا موزون
وركضنا في خيال الشعر باحساسه وغنينا
وسرقنا لحظة عجلة دفعنا شوقها عربون
على رغم الزمان المر ما تاهت خطاوينا
وتركنا في طريق احلامنا صدفة بدون ظنون
ولاحت في سما سود الليالي بيض أمانينا
حبيبي والسنين اللي عوضها وجهك المزيون
تطمن واترك ظروف الليالي تحت رجلينا
اثر غصن الغرام اليا انثنى عوده غصن زيتون
ليا من هب نسناس المحبة مال بيدينا
معلومات الاغنية
كلمات عبدالرحمن السمين الحربي
أداء فايز الدوسري
هندسة وتوزيع ناصر الشيباني
توزيع ديجيتال الفان ديجيتال
تصميم ناصر البقمي
كلمات اغاني فايز الدوسري وجه الرياض
غناء : فايز الدوسري
كلمات : عبدالرحمن السمين الحربي
الحان : فايز الدوسري