كلمات يا زين شوف البر من عقب الامطار الوليد ال عامر
في روضة تجمع رجال كرامي
والنبت كاسيها من يمين ويسار
والحال من فضله على ما يرامي
فيها الخزامى والنفل جاله ازهار
وفوق الشجر يطربك نوح الحمامي
والدله الصفرا بهيل ومسمار
وسوالف تعجب بزين الكلامي
وخوة رجال العز والطيب والكار
وسج القدم شرق وجنوب وشامي
العزوه اللي ما يهابون الاخطار
وقفاتهم بالطيب تجلى الملامي
انسلي الانفس على كل ماصار
هذا هوا بالي وغاية مرامي
ومعنا الحرار الشقر من فوق الاوكار
وبيت الشعر مبني بكل اهتمامي
ناخذ ونعطي بين وافين الاشبار
ولا على الدنيا الدنيه دوامي
اللي حلاويها تجي بعدها امرار
عسى تواليها فرح وانسجامي
والله يديم الامن في كل الاقطار
والله يجمعنا بعز وسلامي
كلمات اغاني الوليد ال عامر يا زين شوف البر من عقب الامطار
غناء : الوليد ال عامر
كلمات : خالد التمامي
الحان : الوليد ال عامر