كلمات يا شبيه البدر فايز الدوسري
ياهلا في طيوفٍ تستحق الغرام
طيف ولفٍ لو انه عن عيوني بعيد
مابعد عن دياره في حشا المستهام
كل مامر طاريه اجتلد واستعيد
ذكريات الوصال ودمع عيني غمام
بالحشا ماسواه مْن البشر والاكيد
ماحداً عوّض غْيابه مـ بين الانام
اول احباب عمري شوفته يوم عيد
حاكمٍ خافقي حكم مؤبد ودام
مثل حكم اخّو نوره للعرب صار سيد
والولا والمحبه له ولا به كلام
اتحرى بشاير جيّته دون قيد
وان لفى تبري اجروح ويعمّ السلام
كل ماهب نود اذكر غلاه ويزيد
فيني الشوق مايلحقني ايّة ملام
ياشبيه البدر يانور عمري المديد
ياغزالٍ لعب في خافقٍ فيه هام
ياملاك فرق بالزين عن كل غيد
ياصباحٍ شروقه خجّ كل الظلام
صوتك انغام والضحكه زمانٍ رغيد
والسوالف قصيد وعينك احلا هيام
قصر عشقك بصدري ياحبيبي مشيد
وكان ماجيت له يوحش ويصبح هدام
جبت راسي وانا اللي كنت رجلٍ عنيد
وصرت مابين ايدينك وانت ليّ المرام
كيف غايب عن اللي فيه حبك يزيد
وانت في خافقي يابعْد كل الانام
معلومات الاغنية
شيلة: ياشبيه البدر
كلمات: بندر المداريه
اداء: فايز الدوسري
هندسة: محمد العلي
تصميم عذب
كلمات اغاني فايز الدوسري يا شبيه البدر
غناء : فايز الدوسري
كلمات : بندر المداريه
الحان : فايز الدوسري