كلمات يا عظيمه فايز الدوسري
كل فرصه على شوفتك مقطوع املها
بعد اخذتي نظر عينه عسى الله يعينه
راحة البال جعل الله يعوضه بدلها
يوم يذكر تفاصيل الحياه الحزينه
وده يبل كبده بعد مالحزن اكلها
سلم القلب في يدينك ولا قال وينه
اطلبي كل حاجه منه واخذي دبلها
انتي الفارقه والنادره والثمينه
عاد اساميك واجد لاتقولين قلها
لا انثنى عودك الريان من زود لينه
كل زينه بعد زينك تعود لهلها
علق آمال حبك في بقايا سنينه
لو يلهونه العربان معاد يلها
جاك من عقب مافارق حدا والدينه
كل ليله كمومه بالدموع يغسلها
واحدن جرب الحرمان ياوجد عينه
وطاح في الفارع اللي مايداني زعلها
يمكن يوقف الدنيا على راحتينه
ويتخطرا الظروف اللي محد يحتملها
كل ماضاق باله يطلع من المدينه
خطرن انه يسوق الجيب ويتله الها
من تولع بغيداً بنت عز ورزينه
جدّها اللي لامر العاقلين يهبلها
الله يلوم من لامه بزينه وشينه
المحبه لايقرب سلمها من جهلها
ساحة الحب مثل الحرب ومعاونينه
يمكن تجيب لنفوس المحبين اجلها
ماتبى الا شجاع مايبيح كنينه
يحتمي وقفته وان قال كلمه فعلها
الضعافه على الرجال ماهيب زينه
والمثل قال مال الحمله الا جملها
معلومات الاغنية
شيلة : ياعظيمه
كلمات : صنهات بن حشر العتيبي
اداء فايز الدوسري
هندسه وتوزيع : محمد العلي
جرافيكس : خالد القحطاني
كلمات اغاني فايز الدوسري يا عظيمه
غناء : فايز الدوسري
كلمات : صنهات بن حشر العتيبي
الحان : فايز الدوسري