كلمات يا هيه الوليد ال عامر
منت بعلى خبري و لا انته بمحدود
ما تدري ان قلبك بداري ومرباه
والا تشوف الوصل عادي ومجحود
الله يعين اللي تعلق بذكراه
يستنزف جروحه على غير مقصود
من يوم ما جيت المكان وزواياه
قامت هجوسي تطري عيونك السود
انا فدا زولك وبسمة محياه
وانا فدا اللي حبها ما له حدود
ويلي عليك وتل قلبي من اقصاه
يالباهر الجذاب يا ناعم العود
رحتي بليا عذر و الا مداراه
وانا معك ما اجازي الصد بصدود
كله لاجل خاطر وصالك ومرضاه
يقوله اللي ما يبي منك مردود
ما عاد ابي حبك وبنثر بقاياه
لو كان حبك حي باقي وموجود
يحدني وقتي بصمت ومعاناه
واضحك واقول لدربي سهود ومهود
بعلمك درس الزمان وسواياه
من يتبع المقفي مصيبه ومنقود
والله لو انه من شيوخ مضراه
ما ارخصت له نفسي ولاني بمضهود
كلمات اغاني الوليد ال عامر يا هيه
غناء : الوليد ال عامر
كلمات : عدي بن عبدالله السبيعي
الحان : الوليد ال عامر