كلمات يا وجه احبه فايز الدوسري
البحر لك من عمقه ليا ساحله
كم واحدن قبلك تمناه وبغاه
ولا غيرك اللي فالمحبه باحله
من يوم شافك حط كفه فوق فاه
وداهم بعشقك للهوى واجتاحله
يشوف في وصلك ملذات الحياه
وخضرت عروقه ولو هي قاحله
ما راح قبلك روحت مقيط ورشاه
دامك معه يفداك ما قد راح له
حبيبك معرب ومن روس الدهاه
الدهر ضده بس ما قد طاح له
شاعر وابداعه مع كل الرواه
واسمه مع الشعار والفطاحله
ما دامك الهامه وصانع محتواه
قفل الجزايل معه والمفتاح له
عسر القوافي اللي على غيره عصاه
ماهي تتاح لغيره وتتاح له
يبهر قصيده من سمع فيه وقراه
ولوما بمسباحن ماهو مسباح له
سبحان من ميزه بالفكر وحباه
وميزك ابه يا شهده ومناحله
قلبه ماهو ينسى عهوده من وفاه
يكسر فؤاده لك ويكسر كاحله
يبيك انتي وغير وصلك ما يباه
انتي ولا غيرك فؤاده فاح له
ما يهمس لغيرك وعينه ما تراه
وما تسمع اذنه غيرك ولو صاح له
ومنهو يبي ينافس غلاتك لعن اباه
ينوح مع نوح الحمام ان ناح له
انتي الهوى وانتي ملذات الحياه
يا وجه احبه واعشقه وارتاح له
كلمات اغاني فايز الدوسري يا وجه احبه
غناء : فايز الدوسري
كلمات : عايض العتيبي
الحان : فايز الدوسري